السلام عليكم قبل 4 سنوات تعرفت على شخص كان يناقش ماستر واني هم وهو ساعدني بتشجيع وبالتلخيص وهواي امور وكف وياي بيها صار مقرب مني لدرجة يعرف كلشي عني وعن اهلي بالحرف الواحد تعلقت بي كلش وهو هم لدرجة يخاف علية اذا اتأذة بسبب جرح بسيط يكلب الدنيا مريت بمشاكل فترة وحاولت اسوي بنفسي شي جان يتخبل علية يبچي بچي حبني هواي هو واني واثقة بي ماعندة علاقات ولايم نسوان ابد جربتة هواي ونجح بكل الاختبارات يعني صدك مثالي من جميع الجوانب وبرغم يدرس دكتوراه عندة كوم شهايد ويألف كتب ويكتب أشعار يعني مبين علية انسان تعبان ع روحة لحد ما وصلنه للارتباط ضل يحوس علية وعلى مذهبي وكل ساعة وكلي مذهبج غلط والحلف بالله كفر وهيج واكثر من مرة صار بينة خلاف على هذا الموضوع ونتعارك وننفصل ونرجع من ينفتح هذا الموضوع يتحول من دكتور جامعي لشخص عمرة 14 لدرجة مرة شد وياي بالحجي اسايرة يكلي تعالي غيري مذهبج تركتة عيوني ورمت من البچي وهو هم حالتة زفت لدرجة ترك الدكتوراه هاي سنة برغم تعب على ماوصل الها اثنينه حالتنه زفت هو يموت علية بس ماجاي يتقبل مذهبي سمع متقدملي شخص اختة تكلي راح يموت وكله من وراج واني احبة حيل ومابيدي شي