مرحبا... اني عمري ٢٣ بدت تعساتي من عمري ١٧ جنت طالبة سادس وحالي حال الطلاب مهتمه بدراستي إلى أن صارت ضروف وأهلي جبروني اتزوج تزوجت وتركت الدراسه وصرت ام وصاحبة مسؤوليه وتبددت أحلامي و طموحاتي مشكلتي زوجي صار ٥ سنين ويا يستاهلني وممقدرني اني مثقفه وواعيه وجميله ومن كلشي الله مينطيني وفوك هذا اني اشتغل واصرف وعدنه ثنين أطفال اني مسؤله عن كلشي حته ملابس ومصرف اله اني انطي صار سنين ع هذا وضعي وهوه عمره ٣٠ سنه!! اني شنو مستقبلي مستقبل أطفالي ويه هيج شخص حتى البيت اللي عايشه بي من اهلي وحاليا اريد ابني بيت اني ضحيت وصبرت ماشفت شي من عمري سندت نفسي بنفسي بس اكو نقص بداخلي اني احتاج رجال سند الي ف محتاره اريد انفصل بس اخاف ماالكه الشخص اللي اتمنا واللي يكون رجل حقيقي واللي يكول انتضري ويجي يوم ويشتغل اني صار سنين منتضره لشوكت ابقه اني ماخذه دور الرجل والمرأة ليش اني ضحيه ليش الجميلات ماعدهن حض!! اني مااكدر اكمل حياتي بدون رجل اني عاطفيه واحتاج وجود سند وحبيب. الثغره اللي بداخلي كبيره اني ضحيه... نصيحتكم.