قبل كل شيء قال نبينا الأعظم ص : مَن كانَ يُؤْمِنُ باللَّهِ والْيَومِ الآخِرِ فَلْيَقُلْ خَيْرًا، أوْ لِيصْمُتْ .. أنا بمراهقتي كنت مندفع و للأسف وقعت في تجارب جنــسية كثيرة في الهاتف تقريبا من عمر ١٤ ، بعد ما كبرت بالعمر و صار عمري ٢٧ سنة قررت أتوب إلى الله توبة نصوحة لأن شفت كثير من الشباب يموتون فما حبيت اموت و أخسر آخرتي فتبت و الحمد لله ملتزم بصلاتي و اقرا قرآن و أدعية و كل أعمال الخير و البر جاي اسويها لكن للأسف تجيني لحظات ضعف و ارجع أغلط بالتليفون و بعدين اتندم 😔 مجاي اكدر اتخلص من هذا الإدمان شكد ما ابتعد لازم ارجع احس أتحول إلى غير شخص ما اكدر أسيطر على نفسي ، حاولت أتزوج ما كدرت لأن حاليا طالب جامعي ما متخرج و حاولت زواج مؤقت هم ما لكيت و بقيت هيج و هالشي جاي يتعبني و يأذيني ، ما اريد اموت و الله ما راضي علي ما أريد اخسر الآخرة بسبب شهوات أترجاكم نصحوني 😔