مرحبا بصراحة اني تعبانة هواي من القهر والتعب النفسي والجسدي ​شكلي تغيّر 180 درجة، اللي يشوفني ما يعرفني. كل هذا صار خلال 25 يوم بس! ضعفت بشكل مو طبيعي صرت مثل الهيكل العظمي وحدة من عيوني ما أكدر أشوف بيها واضح، ولا عندي قوّة أمشي ما أشتهي أكل وإذا يوم كامل ما آكل فعادي عندي، وإذا أكلت بس أظل أتقيء. ​كل هذا بسبب شخص خانني وخلاني من الصدمة أحاول أنتحر. ​بصراحة أني أبد ما چنت ضعيفة آخر همّي چانت زواج وحُب وهالسوالف ​المهم سنتين ويا بالعلاقة وهواي تعاركنا وزعلنا من بعض وحاولت أتركه وما قبل گال إذا إنتي ماكو أني هم ماكو. يعني باختصار چان يهددني إذا أعوفه يسوي شي بروحه أني هم تعلّقت بي وحبيته لدرجة چنت أحاول أقدمله كلشي وأساعده بكلشي. ​هو أبد ما بيّن لي ما يحبني أبد ما سوّه شي أحس بي يخوني بالعكس دائماً چان وياي ويبين لي يحبني قبل 25 يوم كشفته يخوني ويّا وحدة وياه بالدوام ومن كشفته تدرون شنو گال لي؟ ما أكدر أطلع كلامه من بالي كل لحظة، كلامه ما يروح من بالي وأذكره ​گال(لا تخربين بيناتنا أني أحبها ورايدتها وأريد أتزوجها)أني آخذ هاي و روحي گوليلها أني رايدة الولد وأحبه بس هو ما يريدني!