اني البنت الي كلتلكم ع ابوي يشرب ولد وياي بالكليه يريد يجي يخطبني واخاف لا يسأل بالمنطقه ويحجون وانفضح الولد يصير صديق صديقتي ف كلتله لنفرض انت حبيت بنيه وسألت عنها وكالو ابوها يشرب راح تأخذها لو لا رغم هي شريفه وخوش بنيه وبعمرها ما متقربه للحرام يكلها اي عادي اوافق بس المشكله اهلي مراح يوافقون واهم شي عندي رضا الوالدين ف اني بقيت بحيره اكله يجي يسأل بالمنطقه علينه لو لا ؟؟ اني ابوي كل الناس تحبه وتحترمه وحتى من تصير مشكله ياخذونها يحلهه كتلكم هو طيب وخوش رجال بس هاي سالفه مخربته ف تتوقعون الناس تحجي لو تسكت ؟ اني اخاف من منطقتنه لأن شعبيه كلش جوارينه راح يخطب محد انطاه مره لأن أمه لسان الناس كلتلهم لا تنطونهم لأن لسانها طويل ف شلون لو ابوي هيج ؟ ولله محتاره اني مستحيل اكدر اواجهه واكله لأن اني مالي ذنب اتحمل غلط غيري وحلفت اذا هذا الولد رفضني بسبب ابوي بعد مستحيل اتزوج لأن اكيد اي شخص يجيني راح يكلوله والي ياخذني راح يعيرني بيه وضاله محتاره