اني وحده طلعت بهاي الدنيا باب وام اسوء الصفات فيهم ، ابويه بلمتوسطه جان يتحرش بيه وبطل وهسه اني عمري ٢٣ يحاول يرجع علاقته بيه ابويه ويكفر عن ذنبه ، وامي وحده خاينه لابويه جسديا وام سحوره عايشه حياتها وممشيتها على الكشافات والأعمال ، ثنينهم يصلون ويصومون ويزكون بس همه انجاس ، مشكلتي انو اني كاعد انقرف منهم يوم عن يوم وشما يسوولي ويردون رضاتي اضل كارهتهم وما متقبلتهم ما صدكت انخطبت لشخص محترم وكلت راح ارتاح واطلع من هذا البيت ، الي صار انو امي معايفتنه بحالنه تريدني افسخ منه وكليوم مشكله شكل ضاكت بينه الدنيا من وراها وما مرتاحين بعلاقتنه ، اكثر من مره حذرتها لا تتدخل بيناتنه بلطيب بلعصبيه ما فاد تسكت يوم يومين وترجع اسوء من قبل حتى علاقتي بلولد توترت شنو الحل وي هيج ام وعائله وهل اذا قاطعتها حرام عليه ؟!