اريد اسولفلكم سالفتي انتو اخواني و ما عندي احد احجيله اني وحيدة اهلي عايشة مدلله بيتنا تزوجت ولد حبيته ابتعدت عن اهلي و تحملت البعد علموده جان يحبني يموت عليه عشت ويا احلى اشهر عمري ساكنين يم امه و خواته ما عنده اخوان امه حقيره بشكل دوم تسوي مشاكل بينه و تغار من تشوفنه فرحانين ضلت تسوي مشاكل لحدما تغير الولد عليه بالبدايه ضل يتجاوز عليه اخر شي جنت حامل و بدون سبب صارت مشكلة كلي ما اريدج ضربني و مات الطفل طلكني و رجعت لاهلي صارت بيه كأبة و اني وحيده ما عندي احد تعرفت ع ولد حباب سولفتله الي صار وياي ضل ينصحني و يخفف عني افضفضله اعترفلي ورا فتره انو هو يحبني تغير الوضع من صداقة لحب فرحت اضحك و شكلي تغير طلعت من الكأبة الي بيه ورا فتره شفت حساب متابعه بنيه طلع يحبها ورا فتره خطبها اجه كلي ما باركتيلي اني خطبت هو قبل ايام جان يكلي احبج كلي مراح احذف حسابج راح ابقى اذا تحتاجين شي تلكيني روحي طلعت اني متت من زواجي الاول و هذا رجعني للحياة و موتني مره ثانيه تركت شغلي و كعدت بالبيت حياتي بس بجي مخنوكة ما عندي احد احجيله هسه ضليت اطلع امشي بالشارع اكول بلكت تدعمني سياره و اموت لان تعبت من الحياة