السلام عليكم اني قصتي غريبة نوعًا ما هي مو قصتي قصة اخوية، من چنه اطفال جان ابوية عصبي ويضربنا قوي اني واخوية بس من كبرنا صار صديقنا وكُلش مدللنا بالأخص اخوية عمرة حاليًا 21سنة بعمرة مطالع للشغل وابوية يصرف عليه ومدلله وعندة تليفونات اثنين وبلي واكل أحسن شي يعني حرفيا كلشي متوفر اله وهو اخوية الجبير يعني المدلل الهم ف اخوية من صار عمرة تقريبا16 بده ينعزل وميحجي ويا احد ينام بغرفة وحدة وميحبنا وميحجي ويانه وبالوقت الحالي وضعه ديسوء بشكل فضيع حتى اكله كلش قليل وضعيف وميهتم بشكله ولا نظافته ابدا واهلي تعبوا وياه حتى اطباء نفسيين اخذوا اكثر من مرة يرتاح على العلاج فترة ويرجع يصير اسوء وضعه شنو السبب برأيكم معقولة لأن جان ينضرب من هو وصغير ممعقولة أحد ممضروب بطفولتة يعني شي طبيعي هذا ليش هيجي ديصير وياه والله العظيم اكتب والدمع بعيوني اخوية كلش متأذي وأكثر من مرة حاول ينتحر مرة شرب ديتول ومرة اكل صابونة ونام بالمستشفى ومرة صاعد للعمارة حتى يشمر نفسه والشرطة جابوا نحجي وياه يكول تعبت ماريد اعيش بس هو مناقصه شي ليش هيج يكول؟؟ وميطلع من البيت ابددد ولا يضوج من البيت يكولون جن عاشق اكو هيج ش؟