انه شاب اهلي متوفين ما عندي اخوان ولا خوات جنت ساكن ويه جدي رجال جبير كبرني لفتره معينه من عمري بعدين راح لرحمة الله و عمامي عايشين ببغداد بقيت وحدي من المراهقة ادرس و انظف و كلشي اسوي تخرجت و اخذت الماستر و تعينت كله وحدي انه ربيت روحي الحمدلله ما تقربت للحرام ولا غضبت ربي على الرغم جنت وحدي و الفلوس تلعب بأيدي التزمت بصلاتي تعرفت على بنت ضليت وياها 3 سنوات و خطبتها جانت تحبني تزوجنا دللتها دلال ما صاير ما تطبخ ولا تسوي شي وما تراعي تعبي و انه اكول ميخالف صارت عندي بنيه بيوم رجعت قبل نهاية الدوام ب4 ساعات بدون ما اخابرها فتحت الباب بهدوء و الكه ابن عمها بالبيت الله ما رادني ارتكب جريمة بيهم بس دخلت للغرفة هبط ضغطي بنفس اللحظه و طحت كعدت ما لكيتهم ماخذه بنتي وياها طلكتها و رجعت وحدي عشت اكول ليش ما رحت لبيتهم و كتلتهه تخبلت من التفكير لحدما ضليت اشرب علمود اعصابي تبرد شربت اكثر من مره بس من اصحى يذبحني القهر ليش جاي اسوي هيج بطلت بس احس بروحي نكس وصلت لمرحلة ما اتقبل اشوف وجهي بالمرايه اخذت بنتي يمي ما ابوسها اخاف اوصخها و احس بروحي مو رجال لان ما اخذت حقي من امها تعبتني الدنيا حيل!