قصتي بأختصار عندي ولد صديقي احنه اخوان بالرضاعة فرق العمر بينه ايام بس تربينه من جنه صغار لحدما صار عمرنه 30 سنة و احنه سوه تخيلو بصف ثاني متوسط تمرضت ماداومت هو رسب روحه حتى مايسبقني و نبقى بنفس الصف كبرنا و صرنه شباب وما نتفارك انا تزوجت و زوجتي انزعجت من طلعاتي ويا ضليت مثل الابتعد عنه ما نطلع هواي هو مريض عنده مشكلة بمعدته اتصل بيه بيوم كلي راح اروح للعمارة اسكن يم اختي كتله ترجع بالسلامه كلي خل نطلع اعتذرت منه لان جنت اريد اطلع ويه زوجتي راح للعمارة وره فتره حجيت ويا كتله شلونك دزلي صورة ايده جانو يديروله دم حتى ما سألته شبيك بس كتله ما تشوف شر وراها اختفى لا هو راسلني ولا انا وره شهر اتصلت بي موبايله مغلق وره 4 أشهر جنت اتصفح بالتيك توك و بالصدفة طلعتلي صورته و عليها شعر مال موت دخلت ع الحساب طلع حساب اخته هو ميت صاير عنده نزيف داخلي من دزلي صورة ايده جانت اخر ايامه هاي تخيلو جان دائما بصفي وانا الحقير صاحبي ميت ما ادري بي ما جان يعوفني من احتاجه وهو تمرض و مات وانا مو يمه ولا وكفت بفاتحته من دريت بي مات لهسه احس روحي احقر انسان بالعالم ادعوله الله يرحمه ويصبرني