﮼اني مشكلتي مزوجه شخص وحيد اهله لا عنده اخ ولا اخت جان بنظري هو الشخص المناسب الي وباعتبار هو وحيد اهله يعني هو افضل قسمه ممكن تجي للبنيه بس ﮼اني جنت بعقل طفله وماجنت اعرف خفايه هذا الموضوع بعدين ورا الزواج اتضحلي هواي امور واكثر شي جاي يضوجني ويخنكني هو عدم الخصوصيه والتدخل بكلشي من اهله وجاي اشوف انو ابسط قرار مايكدر يتخذه بحده لازم يروح ويسولف لاهله ويشوف همه راضين لو لا ياله يسوي ﮼اني ماجاي اقلل من اهله بس ﮼اني ازوجت اريد اكون عائله خاصه بيه اريد اربي اطفالي مثل ماريد اريد اعيش مثل مااني احب لا اريد اعيش مثل اهله ولا مثل اهلي همه كل واحد زمنه وكل واحد عاش حياته براحته هو الشخص من ناحيتي زين ويحبني بس ﮼اني ماجاي اتقبل عيشتي هيج يعني واحد الى متى يبقى عايش بقوانين غيره لازم كلشي اسوي ابرر وكلشي اوضحه الهم ﮼اني اريد براحتي اريد اعيش بيتي ﮼اني واليخنكني اكثر مااكدر احجي وابوح بهذا لموضوع كدام اي شخص لان راح ايكولون متعافيه لو ماتخاف الله تريد تحرم اهله منه بس ﮼اني والله موهيج ﮼اني اريد حقي اريد اعيش براحتي اريد زلمه من اكله شي هو ينطيني الموافقه او الرفض بدون مايروح ياخذ رأي ونصائح