السلام عليكم ، آنه بنية خريجة من قسم طبي عايشة بقرية بس زين يعني العيشة متطورة مو ريف يعني ، المهم صار سنتين من تخرجت اكو شغل بس والدي مايقبل يدورلي على شغل يكول المراة مكانها بيتها بنفس الوقت ضايجة من البيت اريد اغير جو واريد اطلع مليت من هالوضع ومحد جاي يشوفني حتى تصير قسمة واتزوج لانو بطبيعة حياتنا بالبيت محد يدخل علينا ولا احنه ندخل على احد ابد فالناس ماتعرفني ولا شايفتني وكلش بنفسي اتزوج ويصير عندي شريك بحياتي والدي يكلي تطلعين بحالة وحدة من البيت الا اذا تدرسين ماجستير وآنه بصراحة تمسكت بفكرة الماجستير بس حتى اطلع للدنيا واشوف العالم رغم داخلي اريد استقرار اريد احتواء تعبت بما فيه الكفاية من حياة الكلية والامتحانات بالاضافه الى انو اخذت خيرة عن موضوع الدراسة طلعت زينة بس ما اعرف شبيه احس مابيه حيل ولا الي خلك