اني بنت عمري 21سنة عندي اختي اكبر مني جانت حيل مقربة الية تواصلنا 24ساعة هي مو بس اختي هي صديقتي وامي وكلشي والكل حاسدنا ع علاقتنا حتى اهلي نفسهم بس شأءت الاقدار ورب العالمين اصابها سوء صار وياها حادث سيارة وعَ اثرها اختي تغيرت احس رب العالمين اخذ اختي ونطانا انسانة ،ياناس تعبت واللّٰه احس روحي مصدومة لليوم م مصدكة ولا متوقعة لليوم والنار تاكل بيةة لليوم وانا من اكول مصدومة يعني موو بس كلام اكابر وابين نفسي قوية بس علمود اهلي وعلمود امي بالذات واحاولل واحاول احس حياتي توقفت كلما اضحكك واذكرها الدنيا تسود بعيني تعبت واللّٰه احس الدنيا كلها متوقفة م اكدر استوعب الصار م اكدر استوعب صدممة صابتني وواكفة ع حيلي كوا ،محتارة شنوو اسوي دوم اعاتب رب العالمين دوم اكول ليش هيج تدمرت حياتها وحياتنا 💔، الحجيتة نقطة ببحر بس محتاجة كلامكم محتاجة واللّٰه داخلة اكتآب صارلي كومة م طالعة من البيت لان مو كادرة نفسيتي م تتقبل اروح للأماكن الجنت اطلع بيها وياها الذكريات محاصرتني وحياتي متدمرة اكتب واني ابجي اكتب واني كلبي مكسور يالله 💔