السلام عليكم اتمنى الكل يقره رسالتي للأخير وبدون تجاوز رجاءا اني من عائلة معروفة الناس تحلف بينه ع اخلاقنه وتربيتنا يعني عمامي وخوالي كلهم زينين لكن للأسف والدي الله يهدي اكتشفته قبل كم سنه يشرب وهسه نص المنطقه تعرف بيه لكن هو ما يدري انو احنه ندري بيه ف اكو وياي ولد بالكليه الله شاهد ماعندي علاقه وياه مجرد شافني وطلب مني عنوان اهلي حتى يجي يخطبني ف اني نطيته العنوان هو سأل علينه قبل لا يتقدم وكايليله ع والدي وهو اجه الولد وصارحني كال اعتذر مااكدر اتقدملج بسبب والدج واني عندي اهم شي الأب يكون زين بوقتها راد يوكف كلبي من صدمة والقهر بقيت ساكته ما حجيت ورحت اني ما مقهورة ع ولد لا مقهورة ع نفسي شنو ذنبي اتحمل غلط غيري ؟ هو يشرب اني شعليه بيه الله شاهد اصلي واصوم وملتزمه وماعندي سوالف مو زينه والكل يشهد ع هذا الشي الي اريد اكوله اذا صادفكم هيج موضوع لا تكسرون بخاطر البنت بسبب واحد من عائلتها طالع من طريق هي مالها ذنب اني مو موته نفسي ع الولد ولا ع زواج بس كتلكم تحملت غلط غيري واني مالي ذنب هذا الي قهرني وكذالك اخواني هم محد ينطيهم مره بسبب هذا الموضوع عائله كامله دمرت سمعتنه بسببه