السلام عليكم مشكلتي انو بعد التخرج، الجامعة أعلنت عن حفل تخرج مركزي، وكلت لصديقتي المقربة صداقة ٤ سنوات إني أحب أروح، بس مو متأكدة لأن ظروفي صعبة وأبويه عنده شغل محد يوصلني. سجلت اسمي احتياط، وما خبرتها لأن احتمال حضوري كان ضعيف جدًا. لما نزلت الأسماء وشافت اسمي، زعلت وظنت إني چذبت، وضحت الها سبب تصرفي حتى ما أبقيها بأمل رغم إني ما گلت ح أروح، فقط چنت مو متأكدة، وبالفعل ما حضرت. وراها مريت بظروف صعبة ما تعرف بيها: تحضير خطوبة أختي بثلاث أيام بس، وانتقال مفاجئ من بيتنا، وبعدها مرضت لمدة ١٠ ايام ، ولهذا السبب اختفيت عن الكل. رجعت بعد فترة، وتفاجأت إنها زعلانة وتعتقد إني اختفيت متعمدة، وگالتلي “هسه عرفت معزتي عندج”، رغم إني أبدًا ما چنت أعرف بزعلها.، وحاولت ابرر الها بس جانت قافلة هالحجي شهر ١٠ ب٢٠٢٤. وبعيد رمضان راسلتني عايدتني ورديت عليها عادي بقت رسالتي ٤ اشهر ما شافتها قبل فترة راسلتها مرتين ، بس مو مثل قبل ترد بنفس اليوم لا صارت ترد بعد يومين أو 3، وبرسالة وحدة وبس على كد السوال اشوف ماكو داعي تزعل لان ما صار شي يستحق الزعل أصلا