السلام عليكم اريد نصيحة لان ولله متدمرة حيل قبل سنة صارحني شخص بالكلية حسيته صادق وشفته ميت عليه فوافقت ، كالي بس سنة تنتظريني بس اتخرج اخطبج و من صار وقت تخرجه كلتله على خطوبة و صدمني بالرفض كالي ما مستعد وماكو شي مضمون ف اني نهيت العلاقة مباشرة و بقى يلح و يدز رسائل و يتابع حساباتي وستورياتي خلاني اتعلق لدرجة بي و بقى يدز رسائل حتى بعد مانهيت العلاقة و اني اريدج و ميت بيج ف رجعت احجي وياه و لمن رجعت كام يجر بظهره و كال انتي اذا تقدملج شخص زين وافقي و من سالته ليش لعدد علقتني و رجعت ؟يكلي انتي تستاهلين شخص احسن مني و اني ما استاهلج و مستحيل اخلي وحدة بريئة هيج تنظلم وياي بالحياة و اريدج تختارين الافضل ( بلحظة هالكلام هو بعده يغازل و يحجي وياي ) فجاة انقطع تواصله وياي بدون لا وداع و لا اي شي ف عرفت انه ارتبط بشخص ثاني و عايش حياته وياه بقيت اني الي تدمرت و دخلت باكتئاب و مختنكة و حتى اهلي ابتعدت عنهم ،اني اول مرة بحياتي احب و ادخل علاقة و اخلي ثقتي بشخص و اتعلق بي هسه احس اني جسد بلا روح ماتتخيلون شلون تعلقت بي و ماقصرت وياه ابد والله شنو الي صار و خلاه يخون ويدور شخص ثاني وشلون اتخطى