مرحبا ، عندي بنت خالتي اكبر مني بسنتين عمرها ٢٥ وصديقات حيل بحكم تقارب الاعمار وكبرنه سوه ، اني تخرجت هلسنه قبلها لان هي مهمله بدراستها ورسبت بلكليه مرحله اولى ٣ سنوات بقت ، هي هامله جسمها سمينه وماتعتني بروحها وتاركه الصلاه ولا تلتزم برجيم وبس تاكل ومن تدخل (جم) فتره وتتركه دكول مالي خلكه وبخاطرها تتزوج شغلها الشاغل الزواج ، المشكله انو اني عكسها بكلشي اني تعبت بدراستي ومعتنيه بنفسي واصلي ورشيقه وتجيني قسم هواي زينه وانخطبت عن حب ، فهي لاحظت تحط نفسها بهواي مقارنات وياي عشعري عجسمي وهي متسوي شي لنفسها خاطر تصير احسن مع انو حالتها الماديه واهله احسن مني بهوايه ومدلله ، وحاطه عينها على القسم التجيني دكلي اتمنى واحد يجيني مثل اليجونج يخطبوج ، ودوم دكلي لا تتزوجين قبلي غير اني اكبر منج ، وهي مكاعد يقبلون بيها بسبب سمنها وبعدهي تدرس كليه اهليه وم اولى ، مثل مكلت هي صديقتي ونلتقي هواي بحكم كرايب بس صايره مارتاح يمها خصوصا من كرايبنه يباركولي علتخرج والخطوبه هي يتغير شكلها ، فشون اكدر اتصرف وي هيج شخص ، اني الله شاهد دوم انصحها تنزل وزنها وتشد حيلها بدراستها وتعتني بروحها حتى من اصلي اكله